0

दमाई दाइ

तस्वीर स्रोत : गुगल

–लक्ष्मीप्रसाद देवकोटा

सियोको टुप्पोले मुटु बिझ्यो दमाई दाइ
आजलाई देशलाई देखेर
जर्जर पातमा कीराले दमार्ई दाइ
देश दशा झलक्क लेखेर ।

ईश्वरको मूर्ति मान्छे, मान्छे गर्छ हेला
एउटै मासु एउटै रगत एउटा अर्को पेला
पहिले खाँद्छन् मूलालाई पछि भन्छन् सिन्की
मान्छे सडाई मान्छे खान्छ झिँगाजस्तो भन्की
देख्दाखेरी मेरो कञ्चट त्यसै आउँछ रन्की
जसले चुस्छ त्यही गुरु रे त्यसकै तिमी चेला
भएन है अझै किन आँखा खोल्ने बेला ?
कुकुर चुम्छन् मानिस थुक्छन् हामीलाई दमार्ई दाइ
लात्तीले नै फुटबलझैँ फँेकेर ।

थिचिएको सुनको खानी भुइँचालोले झिक्ला
दबिएको आवाजलाई ज्वालामुखी फेँक्ला
ठाँटिएका परी देउता, स्वर्गका छन् सुरा
हामी नांगा, हामी भोका हिउँदका छुरा
हामी नाला, हामी गन्दा हामीहरू कीरा
सुनको मन्दिर, ढुंगो ईश्वर धर्म गाँजा सन्की
अचाक्ली नै भयो हाम्लाई हाम्रा हक छन् कि
सडेका कपडा अनि कुहेका चमडा
नक्कलीले लाल सर्बत पिएर ।
(लक्ष्मी गीत संग्रह)
…………………………..

Leave a Reply

Your email address will not be published. Required fields are marked *